Tysdag besøkte me skulen som NLM var med å starta for 10-12 år sidan her i Cochabamba. Skulen heiter Jesus Maestro = Jesus læraren, og har no rundt 1 000 elevar. Skulen er ettertrakta her i området og har fått eit godt rykte. I tillegg ti å gje god undervisning får og elevane høyra godt bodskap frå Bibelen gjennom morgonandaktar, fellesmøter og kristne lærarar. Me fekk vera med på eit av desse fellesmøtene, der me og deltok med song – nesten på sparket, og Maria og hadde vitnesbyrd. Etterpå fekk me omvising på skulen og muligheit til å helsa på nokre av ungane der.
Dagen etter var me på eit anna prosjekt til misjonen her i Cochabamba. Då var det «Dråpen» eit leksehjelp-prosjekt som stod på programmet. Dråpen er drevet av Toril – ein norsk misjonær. Gjennom dette prosjektet får ungane muligheit til å koma der å leika, eta middag og sjølvsagt hejelp til leksene. Dette er eit forholdsvis nytt prosjekt og Toril er glad for all økonomisk støtte ho kan få. No er det nye målet å få inn litt meir praktisk retta undervisning, og i første omgang er det ynskje om å få til eit bilverkstad. Følg ho gjerne på facebook og blogg: http://boliviadraaper.blogspot.com/
Fjellheims reiseblogg 